گلگت بلتستان کے علاقے بابوسر ٹاپ اور چلاس  سمیت دیگر علاقوں میں  شدید برفباری ہوئی ہے۔

چیف سیکرٹری گلگت بلتستان کے مطابق بابوسرٹاپ پرشدیدبرفباری کے باعث متعدد گاڑیاں برف میں پھنس گئی ہیں، جس کے بعد ڈسٹرکٹ ڈیزاسٹر مینجمنٹ اتھارٹی کاعملہ برف ہٹانے کی مشینری کے ہمراہ بابوسر ٹاپ روانہ ہوگیا ہے۔

چیف سیکرٹری گلگت بلتستان کا کہنا تھا کہ قراقرم ہائی وے ٹریفک کیلئے کھلی ہے، جبکہ ریسکیو حکام کے مطابق بابوسرٹاپ پربرفباری اور خراب موسم کے باعث پھنسی 50 سے زائد گاڑیوں کو ریسکیو کرلیاگیا۔

حکام کا کہنا تھاکہ بابوسر ٹاپ پر پھنسی گاڑیوں میں درجنوں مسافر اور سیاح سوار تھے جنہیں بابوسر سینٹر پہنچادیا گیا ہے۔

ریسکیو ٹیموں نے 15 گاڑیوں کو ریسکیو کرلیا 8 مزید گاڑیوں کو ریسکیو کیا جارہا ہے، شدید برف باری کے باعث چلاس ہائی وے اور بابو سر ٹاپ روڈ بند رہے گی۔