اتحادی حکومت نے اپنی آئینی مدت پوری کرنے کا فیصلہ کر لیا ہے اور اس کیلئے مشکل فیصلے بھی کرنے کا ارادہ کر لیا ہے ۔

ذرائع مطابق گزشتہ رات اتحادی رہنماوں کے رابطوں میں اس بات کا فیصلہ کیا گیا ہے کہ معیشت کی بحالی کیلئے مشکل فیصلے کیے جائیں اور اپنی آئینی مدت پوری کی جائے اس لیے موجودہ حکومت 17اگست 2023تک موجود رہے گی اور اس کے بعد نئے الیکشن کا اعلان کیا جائیگا۔

 رپورٹ کے مطابق اتحادی پارٹیوں نے فیصلہ کیا ہے کہ وہ جلد الیکشن کی طرف نہیں جائیں گے اور معاشی بہتری کیلئے سخت فیصلے آئندہ چند دنوں میں لیے جائیں گے ،واضح رہے کہ وزیر خزانہ مفتاح اسماعیل دوحہ روانہ ہو چکے ہیں اور وہاں انٹر نیشنل مانیٹرنگ فنڈ سے بات چیت شروع ہو گئی ہے۔

دوسری جانب پیپلز پارٹی کے شریک چیئرمین آصف علی زرداری کی جمیعت علما اسلام ف کے سربراہ مولانا فضل الرحمان سے ملاقات ہوئی۔ملاقات میں ملک کی سیاسی صورت حال پر تبادلہ خیال کیا گیا ، فضل الرحمان نے کہا کہ عمران خان کالانگ مارچ ملک میں فساد پھیلانے کی ناکام کوشش ہے، عمران خان کا ہرفورم پر مقابلہ کیا جائے گاآصف زرداری کا کہنا تھا کہ پاکستان معاشی بحران کا شکار ہے، عمران خان اس بحران کومزید طوالت دینا چاہتا ہے۔رہنماؤں نے اتفاق کیا کہ عمران کےعزائم کوکسی قیمت کامیاب نہیں ہونےدیاجائے گا اور اتحادی حکومت ملکر ملک کومسائل سے نکالے گی۔