وفاقی حکومت نے سرکاری اداروں میں ہفتے کی چھٹی بحال کرنے کا فیصلہ کرلیا۔
تفصیلات کے مطابق وفاقی حکومت نے ہفتے کی چھٹی بحال کرنے کا فیصلہ کرلیا ہے، جس کی منظوری وزیراعظم شہباز شریف کی زیرصدارت کل ہونے والے وفاقی کابینہ کے اجلاس میں دی جائے گی۔
واضح رہے کہ وزیراعظم نے ایگزیکٹو آرڈر کے ذریعے ہفتے میں 6 دن سرکاری دفاتر کھلے رکھنے کا حکم جاری کیا تھا جس کی وفاقی کابینہ نے منظوری دی تھی، اس لئے اب ہفتے کی چھٹی بحال کرنے کی منظوری بھی وفاقی کابینہ کے اجلاس سے لینا ضروری ہے۔
حکومت کو پاکستان بزنس کونسل نے تجویز دی تھی کہ پانچ دن ورکنگ ڈے کا شیڈول رکھنے سے ملک میں توانائی کی بچت ہوگی۔
