مری گلیات روڈ پرکوسٹر اور مسافر وین کے ڈرائیوروں کی ریس 8 زندگیاں نگل گئی۔

گلیات روڈ مری خیرہ گلی کے مقام پر مسافر وین اورکوسٹر کے درمیان المناک حادثہ ہوا، حادثے میں 8 افراد جاں بحق اور 18سے زائد زخمی ہوگئے۔

ریسکیو حکام کے مطابق تیز رفتاری کے باعث ریس میں آ گےکوسٹر ڈرائيورگاڑی پر قابو نہ رکھ پایا، کوسٹر کھائی میں جاگری جس سے 8 افراد جان سے ہاتھ دھو بیٹھے۔

لاشوں اور زخمیوں کو تحصیل ہیڈ کواٹر اسپتال مری منتقل کردیا گيا، ریس میں شریک مسافر وین کا ڈرائیور فرار ہوگیا،  وین کی شناخت اور ڈرائيور کی تلاش کا عمل شروع کردیا گيا ہے۔