سابق وزیراعظم و مسلم لیگ ن کے قائد میاں نواز شریف نے کہا ہے کہ عوام کو فتنہ پرور شرپسند جتھوں کے رحم و کرم پر نہیں چھوڑا جاسکتا۔
ٹوئٹر پر جاری اپنے بیان میں میاں نواز شریف کا کہنا تھا کہ عوام کو ان فتنہ پرور شرپسند جتھوں کے رحم و کرم پر نہیں چھوڑا جا سکتا جو پہلے ہی ان پر غربت، مہنگائی اور بیروزگاری کے پہاڑ گرا چکے ہیں۔
عوام کو ان فتنہ پرور شرپسند جتھوں کے رحم و کرم پر نہیں چھوڑا جا سکتا جو پہلے ہی ان پر غربت، مہنگائی اور بیروزگاری کے پہاڑ گرا چکے ہیں۔ ایسے تخریب کاروں کا قلع قمع کئے بغیر پاکستان اپنی حقیقی منزل نہیں پا سکتا۔ ہمیں بحثیت قوم ان شرپسندوں کا راستہ روکنا ہو گا۔
— Nawaz Sharif (@NawazSharifMNS) May 23, 2022
سابق وزیراعظم کا کہنا تھا کہ ان تخریب کاروں کا قلع قمع کئے بغیر پاکستان اپنی حقیقی منزل نہیں پا سکتا۔ ہمیں بحیثیت قوم ان شرپسندوں کا راستہ روکنا ہو گا۔
یاد رہے کہ پاکستان تحریک انصاف نے 25 مئی کو اسلام آباد کی سری نگر ہائی وے پر لانگ مارچ کا اعلان کیا ہے، اس کیلئے پاکستان تحریک انصاف کے چیئرمین عمران خان کا کہنا تھا کہ جب تک اسمبلیاں تحلیل اور نئے انتخابات کا اعلان نہیں کیا جاتا، تب تک اسلام آباد سے نہیں آئیں گے۔
