پاکستان میں آج سونے کی قیمت میں غیر معمولی اضافے کا رجحان ریکارڈ کیا گیا ہے

سندھ صرافہ بازار جیولرز ایسوسی ایشن کے مطابق آج  پاکستان میں فی تولہ سونےکی قیمت  2350 روپے کے اضافے کے بعد  ایک لاکھ 41 ہزار  650  روپے ہو گئی ہے۔ 10 گرام سونے کی قیمت بھی 2015 روپے کے اضافے کے بعد  ایک لاکھ 21 ہزار 442 روپے ہو گئی ہے۔

عالمی صرافہ مارکیٹ میں بھی سونے کی قیمت میں اضافہ ہوا ہے، جہاں فی اونس سونے کی قیمت 15    ڈالر کے اضافے   کے بعد 1862 ڈالر ہو گئی ہے۔

یاد رہے کہ پاکستانی روپے کے مقابلے میں امریکی ڈالرکی قیمت بھی 200.93 روپے کیساتھ تاریخ کی بلند ترین سطح پر ہے۔