پاکستان میں نئے امریکی سفیر ڈونلڈ بلوم نے ذمہ داریاں سنبھال لی ہیں۔
پاکستان میں قائم امریکی سفارتخانے کی جانب سے جاری بیان کے مطابق امریکی سفیرپاکستان اور امریکہ کی عوام کے درمیان تعلقات بڑھانے کیلئےکام کریں گے۔
امریکی سفارتخانے کا کہنا ہے کہ امریکی سفیرپاکستان کے مستحکم، محفوظ اور خوشحال مستقبل کیلئے حکومت پاکستان کے ساتھ مل کرکام کریں گے۔
بیان کے مطابق ڈونلڈبلوم پاکستان میں اپنے ساتھ بیش بہا تجربہ اورمہارت لے کر آئے ہیں۔
امریکی سفیر کا بیان میں کہنا تھاکہ پاکستان پہنچ کرخوشی محسوس کررہاہوں، اس خوبصورت ملک کو جاننے اور یہاں کے لوگوں اور ثقافت سے واقفیت حاصل کرنے کا منتظر ہوں۔
انہوں نے کہا کہ امریکہ اور پاکستان کے درمیان تعلقات کے قیام کی 75 ویں سالگرہ کے موقع پر دونوں ممالک کے درمیان تعلقات کومزید مضبوط کرنے پر کام جاری رکھوں گا۔
