پاکستان تحریک انصاف کے رہنما حماد اظہر نے کہا ہے  کہ پولیس انہیں گرفتار کرنے کیلئے ان کے گھر پہنچ گئی ہے۔

ٹوئٹر پر جاری پیغام میں حماد اظہر کا کہنا تھا  کہ پولیس مجھے اور میرے ساتھیوں کو گرفتار کرنے کیلئےمیرے گھر موجود ہے۔

Police at my house to arrest me and others

— Hammad Azhar (@Hammad_Azhar) May 23, 2022

دوسری جانب سابق وزیراطلاعات فواد چوہدری نے کہا ہے کہ پی ٹی آئی رہنماؤں کے گھروں پر چھاپے مار کر ہائیکورٹ کے حکم کی خلاف ورزی کی جا رہی ہے۔

انہوں نے کہا کہ اب کھیل کا آغاز ہو گیا ہے ہم اس کو آخر تک پہنچا کر دم لیں گے، سیاسی کارکنان کو گھروں میں داخل ہو کر گرفتار کیا جا رہا ہے، ہم تشدد سے بچنا چاہتے ہیں۔

اس سے پہلے سابق وزیر داخلہ شیخ رشید نے بھی دعویٰ کیا تھا کہ ان کی گرفتاری کے لیے چار سرکاری گاڑیاں ان کے گھر کے باہر موجود ہیں۔