امریکی ریاست وسکانسن میں کرسمس پریڈ کے دوران ایک تیز رفتار کار شرکاء پر چڑھ دوڑی ، جس کے نتیجے میں کم از کم پانچ افراد ہلاک اور 40 سے زائد زخمی ہو گئے۔
امریکی پولیس کے مطابق یہ واقعہ21 نومبر اتوار کے روز شام پونے 5 بجے واؤکیشا ٹاؤن میں پیش آیا جس میں سرخ رنگ کی اسپورٹس کار کرسمس پریڈ کے شرکا پر چڑھ دوڑی۔
پولیس سربراہ ڈین تھامسن نے میڈیا سے گفتگو کرتے ہوئے کہا ہے کہواؤکیشا میں کرسمس پریڈ جاری تھی کہ ایک سرخ رنگ کی ایس یو وی جیپ رکاوٹوں کو توڑتے ہوئے مغرب کی جانب سے مین اسٹریٹ کی جانب انتہائی تیزی سے آگے بڑھتی چلی گئی، اور کرسمس پریڈ کے شرکاء کے قریب پہنچ کر ڈرائیور نے 40 سے زائد افراد کو ٹکر مار دی، جن میں بچے بھی شامل تھے۔
At this time, we can confirm that 5 people are deceased and over 40 are injured. However, these numbers may change as we collect additional information. Many people have self-transported to area hospitals. The Police Department has the person of interest in custody.
— cityofwaukesha (@CityofWaukesha) November 22, 2021
پولیس سربراہ ڈین تھامسن نے میڈیا کو بتایا کہ ایک مشتبہ شخص کو گرفتار، جبکہ ایک مشتبہ گاڑی بھی برآمد کر لی گئی ہے۔ پولیس کا مزید کہنا تھا کہ واقعے کی مختلف پہلوؤں سے تحقیقات کی جا رہی ہیں۔
دوسری جانب وائٹ ہاؤس سے جاری بیان میں کہا گیا ہےکہ اس واقعے کے بعد واؤکیشا شہر کی صورتحال کو قریب سے مانیٹر کررہے ہیں، اور ریاستی حکام کو ہر تعاون کی یقین دہانی کرانے کے ساتھ صدر جوبائیڈن کو بھی حادثے کے متعلق آگاہ کر دیا گیا ہے۔