وزیر اعظم عمران خان کی معاونِ خصوصی برائے سماجی تحفظ اور احساس پروگرام کی سربراہ ڈاکٹر ثانیہ نشتر نے کہا ہے کہ احساس راشن پروگرام میں 10 لاکھ سے زائد افراد کی رجسٹریشن مکمل ہوگئی ہے۔
احساس راشن رجسٹریشن کے لیے ایس ایم ایس سروس کا آغاز کردیا گیا۔ رعایت کے لیے ہر گھرانے کا ایک ہی فرد اہل ہوگا۔ڈاکٹر ثانیہ نشتر نے کہا ہے کہ احساس راشن رعایت کے لیے ہر گھرانے کا ایک ہی فرد اہل ہوگا، گھرانے کا کوئی بھی فرد رجسٹریشن کے لیے شناختی کارڈ نمبر ایس ایم ایس کرسکتا ہے۔ثانیہ نشتر کا کہنا تھا کہ شناختی کارڈ نمبر ایسی موبائل سم سے بھیجا جائے جو اسی شخص کے نام پر رجسٹر ہے، احساس راشن رعایت پروگرام سے 2 کروڑ خاندان مستفید ہوں گے۔
احساس راشن رعایت پورٹل پر کم آمدنی والےگھرانوں اور کریانہ دکانداروں کی رجسٹریشن کا آغاز ہوگیا ہے۔ پروگرام کی بنیادی معلومات،وضع کردہ شمولیت کا طریقہ کار،اہلیت کا معیار اور شامل فوائد کےبارے میں جاننے کیلیئےاس لنک پرمعلوماتی ویڈیوملاحظہ کریں۔ https://t.co/aAyjHkuEwf#EhsaasRashan pic.twitter.com/Gq3XMh55O3
— Sania Nishtar (@SaniaNishtar) November 10, 2021
وزیراعظم کی معاون خصوصی برائے تخفیف غربت نے مزید کہا کہ کریانہ مالکان راشن پروگرام کے لیے صرف احساس راشن ویب پورٹل پر ہی رجسٹر ہوں گے۔
ڈاکٹر ثانیہ نشتر نے کہا کہ احساس راشن پروگرام کے تحت گروسری کے تاجروں کو رجسٹریشن کے عمل اور اہلیت کے متعلق مرحلہ وار رہنمائی فراہم کی جارہی ہے۔ مستحق افراد کی شناخت احساس نیشن سوشل اکنامک رجسٹری سروے کے ذریعے کی جائے گی۔ اشیائے ضروریہ پر رعایت دی جائے گی۔انہوں نے کہا کہ پورٹل پر کسی بھی خاندان کا ایک فرد رجسٹر ہوسکتا ہے۔ گروسری کے تاجر بھی پورٹل پر اپنا اندراج کروا سکتے ہیں۔ تاجروں کا درست بینک اکاؤنٹ ہونا ضروری ہے۔ جن کے اکاؤنٹس نہیں ہیں وہ نیشنل بینک آف پاکستان کی قریبی برانچز پر جا کر اپنے بینک اکاؤنٹس کھلوا سکتے ہیں۔
