طالبان حکومت نے بھارت پر افغان دارالحکومت کابل میں دوبارہ سفارتخانہ کھولنے اورویزہ سروس بحال کرنے پرزوردیا ہے۔
طالبان وزارت خارجہ کے ترجمان عبدالقہار بلخی نے ٹوئٹر پر جاری اپنے بیان میں کہا کہ بھارتی وفد کا دورہ افغانستان دونوں ممالک کے درمیان تعلقات کے نئے دورکا آغاز اورخوش آئند ہے۔
انہوں نے بتایا کہ افغانستان کے قائم مقام وزیرخارجہ عامرخان متقی سے بھارتی وزارت خارجہ کے جوائنٹ سیکریٹری جے پی سنگھ نے اپنے وفد کے ہمراہ ملاقات کی اوردونوں ممالک کے درمیان سفارتی تعلقات کی بحالی،افغانستان کو انسانی ہمدردی کی بنیاد پر امداد کی فراہمی اور تجارت کے فروغ سمیت دیگر امور پر تبادلہ خیال کیا گیا۔
Minister Muttaqi welcomed the first Indian delegation to Kabul on behalf of the Indian government & MEA, calling it a good begining in ties between the two countries. He also expressed gratitude for the recent Indian humanitarian & medical assistance to AFG,
— Abdul Qahar Balkhi (@QaharBalkhi) June 2, 2022
افغان حکام نے کہا کہ متوازن خارجہ پالیسی کے تحت افغان حکومت بھارت سے سیاسی ، معاشی اورثقافتی تعلقات کا فروغ چاہتی ہے۔ بھارت خطے کا ایک اہم ملک ہے جس پرانے تعلقات ہیں۔
عبدالقہار بلخی کا کہنا تھا کہ حکومت نے بھارت سے افغانستان میں سفارتخانہ دوبارہ کھولنے، زیرالتوا بھارتی منصوبے مکمل کرنے اورافغان عوام کیلئے ویزہ سروس بحال کرنے پرزوردیا ہے۔