امریکی صدر جو بائیڈن نے تسلیم کیا ہے کہ وہ جلد ہی سعودی عرب کا دورہ کر سکتے ہیں اور ذرائع کے مطابق اس دورے میں وہ سعودی ولی عہد شہزادہ محمد بن سلمان کے ساتھ بات ملاقات بھی ہو سکتی ہے۔
عالمی خبر رساں ادارے کی رپورٹ کے مطابق امریکی صدر نے جلد سعودی عرب کے دورے کا امکان ظاہر کیا ہے، رپورٹ کے مطابق بائیڈن جون کے آخر میں یورپ اور اسرائیل کے دورے کے ساتھ سعودی عرب کے دورے کا منصوبہ بنا رہے ہیں۔
وائٹ ہاؤس کی جانب سے جاری بیان میں کہا گیا کہ بائیڈن اب بھی سمجھتے ہیں کہ محمد بن سلمان اس بات کو نہیں مانتے کہ 2018ء میں ترکی میں صحافی جمال خاشقجی کے قتل میں ان کا کردار تھا۔
میڈیا رپورٹس میں بتایا گیا ہے کہ اس دورے کا مقصد ایک ایسے وقت میں سعودی عرب کے ساتھ تعلقات کو تقویت دینا ہو گا، جب بائیڈن امریکہ میں پٹرول کی قیمتوں کو کم کرنے کے طریقے تلاش کرنے کی کوشش کر رہے ہیں، اور سعودی عرب بھی اپنی معیشت کا تیل کی آمدن پر انحصار ختم کرنے کی کوششوں میں مصروف ہے۔