کاؤنٹر ٹیررازم ڈیپارٹمنٹ نےاوکاڑہ میں زمان پارک کے قریبی علاقے سے 2 دہشت گرد گرفتار کر لئےہیں، جن کے قبضے سے بھاری اسلحہ ہینڈ گرنیڈ، ڈیٹو نیٹر اور دیگر خطرناک آلات برآمد کر لئے گئے ہیں۔
محکمہ انسداد دہشت گردی کا کہنا ہے کہ گرفتار ملزمان اوکاڑہ میں دہشت گردی کی بڑی کارروائی کرنا چاہتے تھے، جن کی شناخت صغیر شاہ اور جبار کے ناموں سے ہوئی ہے ۔
صغیر شاہ گوجرانوالہ جبکہ جبار نامی دہشت گرد اٹک کا رہائشی ہے۔ سیکیورٹی فورسز نے بتایا ہے کہ گرفتار دہشت گردوں کے قبضے سے ایل ای ڈی بیٹری اور الیکٹرک سوئچ بھی برآمد کئے گئے ہیں۔
گرفتاردہشت گردوں کے خلاف دہشت گردی کی دفعات 7 اے ٹی اے سمیت سنگین دفعات کے تحت ساہیوال تھانے میں مقدمہ درج کر کے تحقیقات کا دائرہ وسیع کر دیا گیا ہے۔
