جرمن موٹرساز کمپنی مرسڈیز بینز نے اپنی گاڑیوں کے بریکنگ سسٹم میں خرابی کی اطلاعات پر دنیا بھر سے تقریباً 10 لاکھ گاڑیاں مرمت کیلئے واپس منگوانے کا اعلان کیا ہے۔

فرانسیسی خبر رساں ادارے نے کمپنی کے حوالے سے بتایا کہ وہ بریک سسٹم میں خرابی کی اطلاعات پر اپنی 10 لاکھ مرسڈیز گاڑیوں کو فوری طور پر واپس مرمت کیلئے واپس منگوا رہی ہے، اس حوالے سے متاثرہ گاڑیوں کے مالکان سے رابطہ کیا جارہا ہے۔

کمپنی کا کہنا ہے کہ جن گاڑیوں کو واپس منگوایا جا رہا ہے ان کے معائنے کے بعد جہاں ضرورت ہوگی ان پرزوں کو تبدیل کیا جائے گا،تاہم جب تک گاڑیوں کا معائنہ نہیں ہوتا اس وقت تک صارفین اپنی گاڑیاں نہ چلائیں۔

خبررساں ادارے نے جرمن فیڈرل ٹرانسپورٹ اتھارٹی کے ایک بیان کے حوالے سے بتایا کہ جو مرسڈیز بینز منگوائی گئی ہیں وہ 2004ء اور 2015ء کے درمیان تیار کی گئی تھیں۔