عالمی منڈی میں خام تیل کی قیمت میں مسلسل اضافے کا رجحان ریکارڈ کیا گیا ہے۔

تیل برآمد کرنے والے ملکوں کی تنظیم اوپیک اور ان کے دیگر اتحادیوں کی جانب سے جولائی میں پیداوار بڑھانے کے اعلان کے باوجود امریکہ میں خام تیل کے نرخوں میں اضافہ ہوا۔

تفصیلات کے مطابق نیویارک میں برنٹ نارتھ سی کروڈ کے وقفے پر نرخ 4 سینٹ بڑھ کر 119.76 ڈالر فی بیرل رہے۔

ویسٹ ٹیکساس انٹرمیڈیٹ کے سودے 8 سینٹ یعنی 0.1 فیصد اضافے کے ساتھ 118.95 ڈالر فی بیرل طے پائے۔