مریم نواز کے وکیل اعظم نذیر تارڑ نے جج سے درخوست کی کہ آئندہ سماعت 17 دسمبر کے علاوہ کوئی اور تاریخ رکھ لیں کیونکہ اس تاریخ کو مریم نواز کے بیٹے کا ولیمہ ہے۔

پاکستان مسلم لیگ (ن) کی نائب صدر مریم نواز اور کیپٹن (ر) محمد صفدر کے بیٹے جنید صفدر کے ولیمے کی تاریخ کی تصدیق ہوگئی۔اسلام آباد کی احتساب عدالت میں مریم نواز کے کیس کی سماعت کے دوران جنید صفدر کے ولیمے سے متعلق بات ہوئی۔جنید صفدر کے ولیمے کی تاریخ کی تصدیق مریم نواز کے وکیل اعظم نذیر تارڑ کی جانب سے کی گئی ہے۔

جنید کے ولیمہ کی تقریب جاتی عمرہ لاہور میں دسمبر میں منعقد ہوگی جس کی تیاریاں ابھی سے شروع کر دی گئیں ہیں۔ یاد رہے کہ شریف خاندان کی رہائش رائے ونڈ میں ہے جبکہ امکان ہے کہ جنید کی دلہن عائشہ کی رخصتی اسلام آباد سے ہوگی۔ بتایا گیا یے کہ ولیمے کی تقریب میں خاندان کے افراد کے علاوہ سیاسی رہنماوں کی بڑی تعداد بھی شریک ہو گی۔ مریم نواز کے والد اور جنید صفدر کے نانا نواز شریف کے بارے میں معلوم ہوا ہے کہ وہ لندن سے ویڈیو لنک کے ذریعے ولیمہ کی تقریب میں شریک ہوں گے۔

خیال رہے کہ جنید صفدر اور عائشہ سیف کا نکاح 22 اگست کو لندن میں ہوا تھا اور سوشل میڈیا پر اِن کے نکاح کی تصاویر اور ویڈیوز خوب وائرل ہوئی تھیں۔