سعودی حکومت نے پاکستان سمیت 6 ممالک کے شہریوں کو سعودی عرب میں براہ راست داخلے کی اجازت دینے کا فیصلہ کیا ہے۔
تفصیلات کے مطابق سعودی عرب نے پاکستان، انڈونیشیااور مصر سمیت 6 ممالک کے شہریوں کے سعودی عرب میں داخلے کیلئے 14 روز قرنطینہ میں گزارنے کی شرط ختم کرنے کا اعلان کر دیا ہے۔ سعودی میڈیا کے مطابق اس فیصلے کا اطلاق یکم دسمبر 2021ء سے ہو گا، جس کے مطابق پاکستانی شہریوں کو سعودی عرب میں داخلے کے بعدصرف 5 دن ادارتی قرنطینہ کرنا ہو گا۔
#SaudiArabia has announced on Thursday that it will allow direct entry from six countries including #Indonesia, #Pakistan, #India and #Egypt without spending 14-day quarantine in a third country.https://t.co/kHV7gPZxBu
— Saudi Gazette (@Saudi_Gazette) November 25, 2021
دوسری جانب وفاقی وزیر اطلاعات نے اپنے بیان میں کہا ہے کہ سعودی حکومت نے پاکستان سے براہ راست فلائٹ آپریشن شروع کرنے کا بھی اعلان کیا ہے۔
تین اچھی خبریں 1) پٹرولیم ڈیلرز ایسوسیشن ایشن نے ہڑتال ختم کر دی 2) سعودی عرب نے پاکستان سے براہ راست فلائٹس شروع کرنے کا اعلان کر دیا 3) سعودی عرب سے تین ارب ڈالر کی ٹرانسفر میں تمام قانونی معاملات طے ہوگئے اور یہ ڈالر اس ہفتے پاکستان کو مل جائینگے
— Ch Fawad Hussain (@fawadchaudhry) November 25, 2021
وفاقی وزیر مذہبی امور پیر نورالحق قادری کا کہنا ہے کہ سعودی عرب نے پاکستان سے براہ راست پروازوں پر عائد پابندی ختم کر دی، جس پر خادم حرمین شریفین کے شکر گزار ہیں۔ انہوں نے کہا کہ اس فیصلے کے بعد پاکستانی زائرین کیلئے عمرہ بحالی کی راہ بھی ہموار ہو گئی ہے۔
مزید کہا کہ عمرہ زائرین کیلئے 5 دن ادارتی قرنطینہ کی پابندی ختم کرانے کی کوشش کریں گے، سعودی وزارت حج اور سعودی سفیر نواف سعید المالکی کا بطور خاص شکریہ ادا کرتا ہوں۔
