افغانستان کے نائب وزیر اطلاعات ذبیح اللہ مجاہد نے کہا ہے کہ آئندہ برس لڑکیوں کے سکول اور جامعات کو کھول دیا جائے گا۔
تفصیلات کے مطابق کابل کے مغربی علاقوں کے دورے پر گئے افغانستان کے نائب وزیراطلاعات ذبیح اللہ مجاہد نے مقامی افراد کے اجتماعات میں گفتگو کرتے ہوئے یہ وعدہ کیا کہ آئندہ برس خواتین کے تعلیمی ادارے کھول دئیے جائیں گے۔ یہاں اس امر کو واضح نہیں کیا گیا کہ آئندہ تعلیمی سال کے آغاز پر تعلیمی ادارے کھولے جائیں گے یا اس کیلئے تاریخوں کا الگ سے اعلان کیا جائے گا۔
ذبیح اللہ مجاہد کا گفتگو کے دوران کہنا تھا کہ طالبات کی تعلیم کے سلسلے کی واپسی پر تحریک کے معیارات اور ہدایات لاگو ہوں گی۔
یاد رہے کہ کابل پر کنٹرول کے بعد سے اب تک طالبان کی جانب سے جاری کی گئی تفصیلات کے مطابق متعدد علاقوں میں خواتین کے تعلیمی ادارے کھول دئیے گئے ہیں، جہاں تعلیمی ادارے بند ہیں اسکی وجہ سہولیات کا فقدات اور سیکیورٹی کے مسائل ہیں، جن پر قابو پاتے ہی خواتین کے تعلیمی اداروں کو مکمل طور پر کھول دیا جائے گا۔