پاکستان الیکٹرانک میڈیا ریگولیٹری اتھارٹی نے 24 نیوز کے اینکر نجم سیٹھی کے پروگرام میں مبینہ طور پر تشدد کو بھڑکانے ، عوام کو اکسانے اور نفرت انگیز تقاریر نشر کرنے پر چینل کو اظہار وجوہ کا نوٹس جاری کر دیا ہے۔

پیمرا کی جانب سے جاری کئے گئے شوکاز نوٹس میں کہا گیا ہے کہ نجم سیٹھی شو کے میزبان نے پی ڈی ایم کے لانگ مارچ سے متعلق تبصرہ کرتے ہوئے انتہائی قابل اعتراض بیانات دئیے جو کہ ملک میں تشدد کو بھڑکانے کے مترادف تھے۔

یاد رہے کہ نجم سیٹھی نے اپنے شو میں کہا تھا کہ اب اگر پی ڈیم ایم نے لانگ مارچ کرنا ہے تو آر یاپار کرنا ہو گا، لڑائی جھگڑے کرنے ہوں گے، پچھلی بار تو ایک گملا بھی نہیں ٹوٹا تھا، اب گملے کیا سر بھی توڑنے پڑیں گے، ورنہ عمران خان صرف یہ 2 سال نہیں اگلے 5 سال بھی لگا جائے گا۔

This is how I explained the debate within the PDM: pic.twitter.com/HXzxPzc573

— Najam Sethi (@najamsethi) November 26, 2021

پیمرا کے شوکاز نوٹس پر نجم سیٹھی نے پی ٹی آئی قیادت کے پرانے بیانات ٹوئٹس کرتے ہوئے کہا کہ یہ بیانات نیشنل میڈیا پر چلتے رہے ہیں، لیکن پیمرا نے کسی کو نوٹس جاری نہیں کیا۔

And this: pic.twitter.com/wzGiVtZEnR

— Najam Sethi (@najamsethi) November 26, 2021

And this: pic.twitter.com/fYal4UXqYD

— Najam Sethi (@najamsethi) November 26, 2021

نجم سیٹھی نے وفاقی وزیر داخلہ شیخ رشید کی ماضی میں کی گئی تقریر کا بھی کلپ شیئر کیا جس میں وہ کارکنان کو لاٹھی نیزے اٹھا کر جاتی عمرہ کی جانب مارچ کرنے کو کہہ رہے تھے۔

And this: pic.twitter.com/3xBYVlUtoT

— Najam Sethi (@najamsethi) November 26, 2021