صدر مملکت ڈاکٹر عارف علوی نےاے ایس ایف میں خواتین کی اچھی تعداد میں شمولیت پر اطمینان کا اظہار کرتے ہوئےکہا کہ پاکستان اس وقت ترقی کرے گا اور خوشحال ہوگا جب خواتین ہر میدان میں حصہ لیں گی۔
کراچی – (اے پی پی): صدرمملکت ڈاکٹر عارف علوی نے دنیا کے سامنے ملک کا مثبت امیج پیش کرنے کیلئے اعلیٰ اخلاقی اقدار کے ساتھ بہترین معیار کی پیشہ ورانہ مہارت پر زور دیتے ہوئے اس یقین کا اظہار کیا ہے کہ اے ایس ایف قومی جذبے اور لگن کے ساتھ ملک کی خدمت جاری رکھے گی۔ان خیالات کا اظہار انہوں نے ایئرپورٹ سیکیورٹی فورس اکیڈمی میں BASC-49 ایئرپورٹ سیکیورٹی کورس کی پاسنگ آؤٹ تقریب سے خطاب کرتے ہوئے کیا۔
تقریب میں وفاقی وزیر برائے سول ایوی ایشن غلام سرور خان، اے ایس ایف کے ڈائریکٹر جنرل میجر جنرل عابد لطیف خان، ڈپٹی ڈائریکٹر جنرل بریگیڈئیر جنرل صلاح الدین ایوبی ، کمانڈنٹ اے ایس ایف اکیڈمی لیفٹیننٹ کرنل یاور عباس کے علاوہ تاجر رہنماؤں، سفارت کاروں اور دیگر معززین نے شرکت کی ۔
ڈاکٹر عارف علوی نے اے ایس ایف اکیڈمی میں 24 ہفتوں کا ایئرپورٹ سیکیورٹی ٹریننگ کورس مکمل کرنے پر شرکاء کو مبارکباد پیش کی۔صدرمملکت نے کہا کہ جب آپ قومی سلامتی کی ذمہ داریوں کو پورا کرنے کے لئے عوام کے ساتھ شائستگی سے پیش آتے ہیں تو آپ کی پیشہ ورانہ مہارت کا اندازہ لگایا جاتا ہے اور عوام کے میں مثبت تاثر بنتا ہے۔
President Dr. Arif Alvi addressed at the passing out ceremony of BASC-49 Airport Security Course in Karachi.
I'm his address, he emphasized on the best quality professionalism coupled with high moral values to project positive image of the country before the world. pic.twitter.com/S9uskJqIUM
— The President of Pakistan (@PresOfPakistan) November 29, 2021
انہوں نے کہا کہ کوروناوائرس کی وباء کے دوران اپنی پیشہ وارانہ ذمہ داریوں کو احسن طریقے سے نبھانے اور افغانستان سے حالیہ انخلاء کے دوران خدمات فراہم کرنے پر اے ایس ایف کو سراہا گیا ہے جس سے دنیا میں بھی مثبت تاثر گیا ۔
انہوں نے اے ایس ایف میں خواتین کی اچھی تعداد میں شمولیت پر اطمینان کا اظہار کرتے ہوئے بانی پاکستان قائد اعظم محمد علی جناح کے اس قول کا حوالہ دیا کہ پاکستان اس وقت ترقی کرے گا اور خوشحال ہوگا جب خواتین ہر میدان میں حصہ لیں گی۔قبل ازیں انہوں نے تربیتی کورس میں نمایاں پوزیشن حاصل کرنے والوں میں انعامات تقسیم کئے ۔
