عرب فوجی اتحاد نے یمن کے شہر صنعا میں منگل کے روز ایرانی پاسداران انقلاب کی ماہر ملیشیاء کے خفیہ ٹھکانوں پر فضائی حملہ کیا ہے۔
عرب فوجی اتحاد نے دعویٰ کیا ہے کہ اس نے یمنی دارالحکومت صنعا میں ایرانی پاسداران انقلاب کے بیلسٹک میزائلوں کے ایک ڈپو کو فضائی حملےمیں تباہ کر دیا ہے، مزید بتایا کہ صنعاء کے ایئر پورٹ سے منسلک الدیلمی اڈے پر پاسداران انقلاب کے میزائلوں کے ذخیرے کو بھی تباہ کر دیا گیا ہے۔
عرب اتحاد کے ترجمان نے عام شہریوں کے نقصان کے متعلق وضاحت پیش کرتے ہوئے کہا کہ اس نے شہریوں اور دیگر عوامی تنصیبات کو نقصان سے بچانے کیلئے حفاظتی اقدامات کئے تھے۔
عرب فوجی اتحاد کے ترجمان کا مزید کہنا تھا کہ صنعا ایئرپورٹ پر پاسداران انقلاب اور حزب اللہ کے ماہرین کا فوجی اڈہ بن گیا ہے، جہاں سے ملیشیاء سرحد پار سے حملے کرنےکیلئے قانونی استثنیٰ والی جگہوں کا استعمال کرتی ہے۔ انہوں سے شہریوں سے اپیل کی کہ نشانہ بنائی گئی اور دیگر استثنیٰ والی جگہوں پر جانے سے پرہیز کریں، تاکہ کسی کاروائی میں عوامی نقصان نہ ہو۔
