وزیراعظم عمران خان نے ہدف سے زائد ٹیکس وصولی پر ایف بی آر کو مبارکباد دیتے ہوئے کہا کہ ٹیکس اہداف اس بات کاثبوت ہیں معیشت مضبوط بنیادوں پراستوار ہے۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر ایف بی آر کو مبارکباد دیتے ہوئے کہا ہے کہ نومبر میں 35 فیصد زائد محصولات اکٹھی ہوئی گزشتہ سال کےمقابلےمیں5ماہ میں ٹیکس محصولات37فیصدبڑھیں۔
Congratulations to the FBR team for achieving a 35% increase in revenues in November over last year and 37% increase in the five months over last year. pic.twitter.com/b9SfNy2OmH
— Imran Khan (@ImranKhanPTI) December 1, 2021
خیال رہے ایف بی آر نے رواں سال کےپہلے5 ماہ میں36.5 فیصد زائدٹیکس وصولیاں کیں ، رواں سال پہلے 5ماہ میں2314ارب کا ٹیکس وصول کیا گیا جبکہ 5 ماہ میں2016ارب کی ٹیکس وصولیاں کاہدف رکھا تھا۔ایف بی آر نے رواں سال پہلے5ماہ میں ہدف سے298ارب کی زائدٹیکس وصولیاں کیں ، گزشتہ سال پہلے 5 ماہ میں1695ارب ٹیکس وصولیاں کی تھیں۔ایف بی آر کی ٹیکس وصولیاں گزشتہ سال کےمقابلےمیں 36.5 فیصد زائد رہیں، نومبر میں470ارب کا ٹیکس وصول کیا گیا جبکہ ایف بی آرکا نومبر میں 408 ارب کی ٹیکس وصولیاں کا ہدف تھا۔
ایف بی آر نےنومبرمیں ہدف سے62ارب کی زائد ٹیکس وصولیاں کیں جبکہ گزشتہ سال نومبر میں348ارب کی ٹیکس وصولیاں کی تھیں۔ ایف بی آر کےذرائع کے مطابق مالی سال 2021-22میں ایف بی آر نے 251ارب روپے کےٹیکس ریفنڈز بھی ادا کیے ہیں، واضح رہے آئندہ مالی سال ایف بی آر کا ریونیو ہدف 5829ارب روپے مقرر کیا گیا ہے۔
