اقوام متحدہ کی کمیٹی نے فیصلہ کیا اقوام متحدہ میں جنرل اسمبلی کی نشست پر افغانستان کی نمائندگی کوئی نہیں کرے گا۔
اقوام متحدہ کی کمیٹی کا کہنا ہے کہ طالبان کو اقوام متحدہ میں افغانستان کی نمائندگی کی اجازت نہیں دی جائے گی۔ کمیٹی نے میانمار کے فوجی حکمرانوں کو بھی ملک کی نمائندگی کی اجازت دینے سے انکار کر دیا۔ خبرایجنسی کے مطابق سوئیڈش سفیر کی زیرصدارت کمیٹی نے افغانستان اور میانمار کے حوالے سے فیصلہ سنایا۔
ترجمان طالبان حکومت سہیل شاہین نے بیان میں کہا کہ اقوام متحدہ کی خصوصی کمیٹی کا افغانستان کوجنرل اسمبلی میں نشست نہ دینا غیرمنصفانہ اورغیراصولی فیصلہ ہے۔اس فیصلے سے افغان عوام کوان کے قانونی حق سے محروم کردیا گیا۔
سہیل شاہین کا مزید کہنا تھا کہ توقع ہے مستقبل قریب میں یہ حق اقوام متحدہ میں افغان حکومت کے نمائندوں کے حوالے کردیا جائیگا جس سے افغان عوام کے مسائل کوموثرطریقے سے حل کرنے میں مدد ملے گی اورعالمی برادری سے مثبت رابطے ہوں گے۔
1/2
The Credentials Committee decided yesterday that for now, the seat of Afghanistan at UN be not given to the new government in Afghanistan. This decision is not based on legal rules and justice because they have deprived the people of Afghanistan of their legitimate right.— Suhail Shaheen. محمد سهیل شاهین (@suhailshaheen1) December 2, 2021
دوسری جانب ادھرعالمی بینک نے افغانستان کے منجمد فنڈز دو امدادی تنظیموں کو منتقل کرنے کی منظوری دیدی۔ عالمی ادارہ خوراک اور عالمی ادارہ اطفال کو 280 ملین ڈالر کے فنڈز جاری کرنے کی منظوری دی گئی۔
