آن لائن ٹیکسی سروس اوبر نے میٹا کے اشتراک سے بھارت میں وٹس ایپ کے ذریعے رائیڈ بکنگ کی سروس متعارف کرانے کا فیصلہ کیا ہے۔ اس سروس کا اعلان میٹا اور اوبر انتظامیہ نے 2 دسمبر 2021ء کو ایک مشترکہ بیان جاری کرتے ہوئے کیا۔
تفصیلات کے مطابق اس سروس کے ذریعے صارفین اوبر کی ایپلی کیشن ڈاؤن لوڈ اور انسٹال کئے بغیر اپنی رائیڈ بک کر سکیں گے، مسافر کی رجسٹریشن، رسید اور منزل تک پہنچنے سمیت تمام مراحل وٹس ایپ کے چیٹ روم میں ہی کئے جاسکیں گے۔
اس سروس کا آغاز بھارتی شہر لکھنوؤ سے کیا جائے گا، اور ابتدائی نتائج کے تجزئیے کے مطابق اس کا دائرہ کاردیگر بھارتی شہروں تک بڑھایا جائے گا۔
Uber wants to make booking a ride in India as easy as sending a WhatsApp message. https://t.co/4sGdsMgoHN
— CNN International (@cnni) December 2, 2021
اوبر کی سینئر ڈائریکٹر آف بزنس ڈیویلپمنٹ نندنی مہیشواری کا اپنے ایک بیان میں کہنا ہے کہ ہم اپنے صارفین کا سفر آسان ترین اور آرام دہ بنانے کیلئے کوشاں ہیں تاکہ مسافر وں کیلئے معمولات زندگی نمٹانے میں آسانیاں پیدا کی جا سکیں۔
