فرانس اور متحدہ عرب امارات کے درمیان ہونے والے معاہدے کے مطابق پیرس امارات کو 80 رافیل طیارے فراہم کرے گا۔

 تفصیلات کے مطابق 3 دسمبر 2021ء کو دونوں ممالک کے درمیان ہونے والے معاہدے کے تحت متحدہ عرب امارات کو فرانسیسی طیارہ ساز کمپنی ڈسالٹ ایوی ایشن کے تیار کردہ رافیل طیارے فراہم کئے جائیں گے۔ ڈسالٹ ایوی ایشن کی 2004ء میں قیام کے بعد فروخت کی یہ سب سے بڑی غیر ملکی ڈیل ہے۔

دونوں ممالک کے درمیان 2 ارب یورو کی مالیت کے معاہدے پر دستخط کئے گئے ہیں، جس کے تحت متحدہ عرب امارات کو 80 رافیل اور 12 کریکل ہیلی کاپٹروں کی فراہمی 2027ء سے شروع کی جائے گی۔

یاد رہے کہ گذشتہ دہائی میں متحدہ عرب امارات فرانس کی دیگر مصنوعات کا بھی پانچواں بڑا خریدار رہا ہے، جس نے فرانس سے 10 برس میں 4.7 ارب یورو کی درآمدات کیں۔