عرب فوجی اتحاد نے یمن کے شہر مآرب میں حوثی باغیوں کے ٹھکانوں پر 13 بڑے حملے کئے ہیں، جن میں 90 سے زائد ایرانی ملیشیاء کے جنگجو ہلاک اور 8 فوجی گاڑیاں مکمل طور پر تباہ ہو گئی ہیں۔

یمن میں عرب فوجی اتحاد کے ترجمان نے 3 دسمبر 2021ء کو جمعے کے روز اعلان کیا کہ یہ کاروائیاں گذشتہ 24 گھنٹوں کے دوران کی گئی ہیں۔

اس سے قبل عرب اتحاد نے جمعرات کے روز اعلان کیا تھا کہ صنعاء میں حوثیوں کے عسکری ہدف پر فضائی حملے میں ایران نواز ملیشیاء کے متعدد ٹھکانے تباہ اور 45 سے زائد جنگجو ہلاک کر دئیے گئے ہیں۔

عرب اتحاد کا کہنا ہے کہ ان تمام کارروائیوں میں شہری مقامات اور شہریوں کو نقصان سے بچانے کیلئے پیشگی حفاظتی تدابیر اختیار کی گئی تھیں۔