سری لنکا کے وزیراعظم مہندا راجا پکسی نے کہا ہے کہ یقین ہے وزیراعظم پاکستان عمران خان اپنا وعدہ پورہ کرتے ہوئے واقعے میں ملوث تمام افراد کوسزا دیں گے۔
گزشتہ روز سیالکوٹ میں مشتعل ہجوم نے توہین رسالت ﷺ کے الزام میں غیر ملکی فیکٹری منیجر کو قتل کرنے کے بعد اس کی لاش کو آگ لگا دی تھی جس کا وزیراعظم عمران خان نے نوٹس لیتے ہوئے ملزمان کو سخت سزا دلوانے کا اعلان کیا تھا۔
اب سری لنکن وزیراعظم مہندا راجہ پاکسے نے بھی سوشل میڈیا پر اس حوالے سے بیان جاری کیا ہے جس میں ان کا کہنا ہے کہ پاکستان میں شدت پسند ہجوم کے ہاتھوں پریانتھا دیاودانا کے بیہمانہ اور سفاکانہ قتل کو دیکھ کر حیرت ہوئی۔ میری ہمدردی اور دعائیں لواحقین کے ساتھ ہیں۔
سری لنکن وزیراعظم کا یہ بھی کہنا تھا کہ سری لنکا کے عوام کو اس بات کا یقین ہے کہ وزیر اعظم عمران خان واقعے میں ملوث تمام افراد کو سزا دے کر انصاف قائم کریں گے۔
Shocking to see the brutal and fatal attack on Priyantha Diyawadana by extremist mobs in #Pakistan. My heart goes out to his wife and family. #SriLanka and her people are confident that PM @ImranKhanPTI will keep to his commitment to bring all those involved to justice.
— Mahinda Rajapaksa (@PresRajapaksa) December 4, 2021
تحقیقاتی رپورٹ وزیراعظم عمران خان کو پیش کر دی گئی ہے
تحقیقات میں یہ بات سامنے آئی ہےکہ فیکٹری منیجر زبان سے نا آشنا تھا جس وجہ سے اسے کچھ مشکلات درپیش تھیں تاہم فیکٹری مالکان نے ملازمین کےساتھ تنازع حل کرایا اور فیکٹری منیجر نے غلط فہمی کا اظہار کرکے معذرت بھی کی لیکن کچھ ملازمین نے بعد میں دیگر افراد کو اشتعال دلایا جس پر بعض ملازمین نے منیجر کو مارنا شروع کردیا۔
تحقیقات سے پتا چلا ہےکہ سڑک بند ہونے سے پولیس کی نفری کو جائے وقوعہ پر پہنچنے میں تاخیر ہوئی اور ڈی پی او بھی خود پیدل بھاگ کر جائے وقوعہ پر پہنچے مگر ان کے پہنچنے تک ملازمین فیکٹری منیجر کی لاش کو جلا چکے تھے۔
