پاک فضائیہ نے اسلام آبادپولو کلب میں کھیلا جانے والا تیسواں چیف آف ائیر سٹاف چیلنج کپ پولوٹورنامنٹ جیت لیا۔ ایک سنسنی خیز فائنل میں پاک فضائیہ نے پی اے ایف بلیو کو پانچ کے مقابلہ میں چار گول سے شکست دی اور ٹائٹل کی حقدار ٹھہری۔ اس فائنل کے مہمانِ خصوصی سربراہ پاک فضائیہ ایئر چیف مارشل ظہیر احمد بابر سدھو تھے۔
مہمان خصوصی نے کھلاڑیوں میں انفرادی انعامات تقسیم کئے اور جیتنے والی ٹیم کو چیف آف ائیر سٹاف چیلنج کپ پولو ٹورنامنٹ کی ٹرافی دی۔ ائیر چیف نے جیتنے والی ٹیم کو مبارکباد دی اور پاکستان میں کھیلوں کے فروغ کے لیے ایونٹ کے کامیاب انعقاد پر کلب انتظامیہ کی تعریف کی۔ مہمان خصوصی نے نوجوانوں کی ذہنی اور جسمانی صحت کے لیے کھیلوں کی اہمیت پر بھی زور دیا۔
29 نومبر کو شروع ہونے والے اس ٹورنامنٹ میں پی اےایف، پی اے ایف بلیو، پی اے ایف وائیٹ، آسیان کالاباغ، بوکیوال، براق اے ایس سی، ہاکونہ مٹاٹا اور پی بی جی کی ٹیموں نے حصہ لیا۔ سفارت کاروں، فوج اور سول کے اعلٰی عہدیداران کے علاوہ پولو گیم کے شائیقین نے یہ دلچسپ فائنل میچ دیکھا۔ چیف آف ائیر سٹاف چیلنج پولو کپ 1985ء میں پہلی دفعہ منعقد کیا گیا اور اس کے بعد سے یہ پاک فضائیہ کے اسپورٹس کیلنڈر میں ایک اہم حیثیت حاصل کر چکا ہے۔
05 December, 2021: PAF won the 30th Chief of Air Staff Challenge Cup Polo Tournament, which was played at the lush green Islamabad Polo Club. PAF won the final match by defeating PAF Blue with five to four goals. Air Chief Marshal Zaheer Ahmed Baber Sidhu, pic.twitter.com/wgAIGtxsXH
— DGPR (AIR FORCE) (@DGPR_PAF) December 5, 2021
