سری لنکن مینجر کو بچانے کی کوشش کرنے والے ملک عدنان آج رات وزیراعظم ہاؤس میں قیام کریں گے۔
وزیراعظم کے معاون خصوصی ڈاکٹر شہباز گل کا ٹوئٹر پر اپنے بیان میں کہنا تھا کہ ملک عدنان ہمارا فخر ہیں، اور پوری قوم کو ان پر ناز ہے، انہوں نے کہا کہ ملک عدنان جنہوں نے سیالکوٹ واقعہ میں بے مثال بہادری اور شجاعت کا مظاہرہ کیا تھا، وہ آج رات وزیراعظم ہاؤس میں وزیراعظم کے خاص مہمان کے طور پر قیام کر رہے ہیں۔ کل وزیراعظم آفس میں ایک خصوصی تقریب میں ان کی خدمات کو سراہا جائے گا، اس سلسلے میں وزیراعظم پہلے ہی انہیں تمغہ شجاعت دینے کا اعلان کر چکے ہیں۔
ملک عدنان جنہوں نے سیالکوٹ واقعہ میں بے مثال بہادری اور شجاعت کا مظاہرہ کیا وہ آج رات وزیراعظم ہاؤس میں وزیراعظم کے خاص مہمان کے طور پر قیام کر رہے ہیں۔ کل وزیراعظم آفس میں ایک خصوصی تقریب میں ان کی خدمات کو سراہا جائے گا۔ وزیراعظم نے پہلے ہی انہیں تمغہ شجاعت دینے کا فیصلہ کیا ہے
— Dr. Shahbaz GiLL (@SHABAZGIL) December 6, 2021
تفصیلات کے مطابق ملک عدنان کو آج سخت سیکیورٹی میں سیالکوٹ سے اسلام آباد لایا گیا تھا، جہاں آج رات قیام کے بعد کل وزیراعظم ہاؤس میں انہیں خراج تحسین پیش کرنے کیلئے تقریب کا اہتمام کیا گیا ہے۔
ملک عدنان کی بہن کا اپنے بھائی کی بہادری کی تعریف کرتے ہوئے کہنا تھا کہ کاش وہاں بھائی جیسے کچھ اور لوگ بھی ہوتے تو پریانتھا کمارا کی جان بچ جاتی۔