وفاقی وزیر اطلاعات فواد چوہدری نے جنید صفدر کی پاکستان میں شادی کی تقریبات کے دوران مریم نواز اور حمزہ شہباز کے گانوں پر دلچسپ تبصرہ کیا ہے۔

آج وفاقی کابینہ کے اجلاس کے بعد پریس کانفرنس میں جب صحافی نے ملکی سیاسی صورتحال میں مریم اور حمزہ کے گانوں پر ردعمل دینے کو کہا تو فواد چوہدری کا کہنا تھا کہ مریم اور حمزہ  کے گانے سن کر بہت اچھا لگا،  شادی کی اور نجی محفلوں میں جب کاندان بیٹھتے ہیں تو ایسا ہی ہوتا ہے، کیونکہ نارمل پاکستان ایسا ہی ہے۔انہوں نے کہا کہ یہ بالکل صحیح تھا، ہمارا بھی ان کے ساتھ صرف سیاسی اختلاف ہے، انہیں اپنی خوشیاں مبارک ہوں۔ ہمارا ان سے صرف یہ اعتراض ہے کہ ہمارے پیسوں سے شادیاں نہ کریں، بس وہ واپس کر دیں، اور کوئی مسئلہ نہیں ہے۔