وزیراعظم عمران خان نے کہا ہے کہ صرف سیاسی اختلافات کی بنیاد پر سندھ کی عوام کو وفاقی حکومت کے ترقیاتی منصوبوں سے محروم نہیں رکھا جا سکتا۔
اسلام آباد – (اے پی پی): وزیراعظم عمران خان کی زیر صدارت پاکستان تحریک انصاف سندھ کے علاقائی صدور اور جنرل سیکرٹریز کا اجلاس جمعہ کو کراچی میں منعقد ہوا ۔ اجلاس کے دوران صوبے کی مجموعی سیاسی صورت حال اور ترقیاتی سکیموں سے متعلق امور پر تبادلہ خیال کیا گیا۔
وزیر اعظم نے اجلاس کے دوران گفتگو کرتے ہوئے حکومت سندھ پر زور دیا کہ وہ وفاقی حکومت کے تمام سماجی و اقتصادی ترقی کی اسکیموں بشمول کامیاب پاکستان، احساس کارڈ، احساس راشن رعایت پروگرام، صحت کارڈ اور کسان کارڈ میں بھرپور حصہ لے۔
وزیراعظم عمران خان کی زیر صدارت پاکستان تحریک انصاف کے علاقائی صدور اور جنرل سیکرٹریز کا اجلاس۔
ملاقات میں صوبے کی مجموعی سیاسی صورت حال اور ترقیاتی سکیموں سے متعلق امور پر تبادلہ خیال۔#APPNews@PakPMO pic.twitter.com/CSMn1ncTDs
— APP 🇵🇰 (@appcsocialmedia) December 10, 2021
انہوں نے کہا کہ محض سیاسی وجوہات کی بنا پر صوبہ سندھ کے عوام کو وفاقی حکومت کی ترقیاتی سکیموں کے ثمرات سے محروم نہیں رکھا جاسکتا، وفاقی حکومت کے تمام منصوبے عوامی فلاح کیلئے ہیں۔
یاد رہے کہ وزیراعظم عمران خان نے کراچی میں گرین لائن بس سروس کا آزمائشی افتتاح کر دیا ہے، جبکہ پیپلز پارٹی کی قیادت نے اس تقریب کا بائیکاٹ کیا تھا۔
