پاکستان سپر لیگ کے ساتویں ایڈیشن میں کراچی کنگز کی بری کارکردگی پر ویسٹ انڈیز کے مایہ ناز بلے باز نے بیان جاری کیا ہے۔
ٹوئٹر پر جاری اپنے بیان میں کرکٹ لیجنڈ کرس گیل کا کہنا تھا کہ میں پاکستان سپر لیگ کے آئندہ سیزن میں کراچی کنگز کا ہیڈ کوچ ہوں گا، اور اس پر کوئی بحث نہیں ہو گی۔
Hey @thePSLt20 – I will be the new head coach next season for @KarachiKingsARY.
There’s no argument in this one! #UniverseBoss 😊😉— Chris Gayle (@henrygayle) February 19, 2022
واضح رہے کہ کراچی کنگز فرنچائز انتظامیہ کی جانب سے اس پر فی الحال کوئی موقف سامنے نہیں آیا، اور یہ بھی واضح نہیں ہو سکا کہ کرس گیل کی کراچی کنگز انتظامیہ سے کوئی بات چیت ہوئی ہے یا انہوں نے کراچی کنگز کی کارکردگی پر طنزاً یہ ٹوئٹ کیا ہے۔
یاد رہے کہ کراچی کنگز نے پاکستان سپر لیگ کے ساتویں ایڈیشن میں مسلسل 8 میچز میں شکست کے بعد 9 ویں میچ میں کامیابی حاصل کی تھی۔ کرس گیل کے ٹوئٹ پر پاکستانی شائقین کرکٹ بھی دلچسپ تبصرے کر رہے ہیں۔
