پاکستان کرکٹ بورڈ نے آسٹریلیا کے خلاف کوچنگ کے فرائض سر انجام دینے کیلئے کوچ کا اعلان کر دیا۔

پاکستانی میڈیا کی خبر کے مطابق آسٹریلیا کے خلاف ہوم سیریز میں ثقلین مشتاق کوچنگ کے فرائض انجام دیں گے۔پاکستانی میڈیا کے مطابق ثقلین مشتاق کے حوالے سے میڈیا میں خبریں گردشت کر رہی تھیں کہ انہوں نے گرین شرٹس کی کوچنگ سے معذرت کر لی ہے۔

لیکن اب پاکستان کرکٹ بورڈ نے سابق آف اسپنر ثقلین مشتاق کو آسٹریلیا کے خلاف ہوم سیریز تک مزید ایک اور موقع دینے کا فیصلہ کیا ہے۔پاکستان کرکٹ بورڈ کے مستند ذرائع کے مطابق کئی ہفتے پہلے پاکستان کرکٹ ٹیم کے ہیڈ کوچ کی پوسٹ کے لئے اشتہار دے دیا گیا تھا ، مگر پاکستان کرکٹ کے کرتا دھرتا کی پی ایس ایل میں مصروف ہونے کی وجہ سے پیش رفت نہ ہو سکی۔

ذرائع کے مطابق ابھی تک ہیڈ کوچ کا نام شارٹ لسٹ نہیں کیا گیا ہے اور نہ ہی انٹرویو ہوا ہے۔