سابق کرکٹر شعیب اختر نے شاہد آفریدی کی پی ایس ایل سے دستبرداری کے بعد ان کیلئے پیغام جاری کیا ہے۔
آج پاکستان سپر لیگ سے دستبرداری کا اعلان کرتے ہوئے شاہد آفریدی نے کہا کہ میں چاہتا تھا کہ کسی اچھے نوٹ پر پی ایس ایل کا اختتام کروں، لیکن انجری کی وجہ سے میں مزید نہیں کھیل سکتا۔ انہوں نے کہا کہ 2 سے 3 ماہ صحت یابی میں لگیں گے، جس کے بعد دوبارہ اپنے فینز کے سامنے آؤں گا۔
شاہد آفریدی کے ٹوئٹ پر تبصرہ کرتے ہوئے سابق کرکٹر شعیب اختر کا کہنا تھا کہ لالا آرام کرو، اس عمر میں یہ عشق آسان نہیں ہے۔
Rest kero Lala. Is umar main yeh ishq nahi asaan. https://t.co/08Wr93ChBg
— Shoaib Akhtar (@shoaib100mph) February 13, 2022
یاد رہے کہ شاہد آفریدی کوئٹہ گلیڈی ایٹر کی نمائندگی کر رہے تھے، آج پی ایس ایل سے دستبردار ہوتے ہوئے ان کا کہنا تھا کہ 15 سال سے اسی انجری کیساتھ کھیل رہا ہوں، لیکن اب تکلیف برداشت سے باہر ہو گئی ہے، اس لئے بقیہ میچز نہیں کھیل پاؤں گا۔
