میٹا کی جانب سے ٹوئٹر کے مقابلے پر نئی ایپ تھریڈز کو متعارف کرانے پر ایلون مسک کا ردعمل سامنے آیا ہے۔
ٹوئٹر کے مالک ایلون مسک نے میٹا کی نئی ایپ کی لانچ پر انسٹاگرام کو تنقید کا نشانہ بنایا۔
واضح رہے کہ تھریڈز ایپ انسٹاگرام سے منسلک ہے اور انسٹاگرام اکاؤنٹس سے ہی اس پر سائن ان ہونا ممکن ہے۔
ایلون مسک نے انسٹاگرام پر یہ تنقید اس وقت کی جب مارک زکربرگ کے نئے پلیٹ فارم تھریڈز کے صارفین کی تعداد چند گھنٹوں میں ایک کروڑ سے تجاوز کرگئی۔
ایلون مسک نے ایک صارف کے ٹوئٹ کے جواب میں انسٹاگرام پر تنقید کی۔
انہوں نے اپنی ٹوئٹ میں کہا کہ ‘انسٹاگرام میں تکلیف کو چھپا کر جعلی خوشی کے اظہار سے ٹوئٹر پر کسی اجنبی کا حملہ زیادہ بہتر ہے’۔
خیال رہے کہ ایلون مسک برسوں سے انسٹاگرام پر تنقید کرتے رہے ہیں۔
